ЕДРЕНЕ – 8МИ МАРТ

Тргнување во вечерните часови од пред агенцијата (организиран трансфер Скопје, Велес, Штип, Кочани, Виница, Каменица и Делчево ). Ноќно патување преку Бугарија со попатни паузи за одмор и царински формалности. Преминување на граничниот премин Андреево-Капи Куле.

Пристигнување во Едрене во утринските часови. Можност да прошетаме во центарот на градот.. Посета на симболот на градот Едрене – џамијата Селимије, изградена е по наредба на султанот Селим Втори помеѓу 1569 и 1575 година и претставува вистинско архитектонско ремек-дело. Секое од нејзините 4 минариња, високи над 70 метри, открива неверојатен поглед на градот, што ќе остави траен спомен на вашето патување до Едрене. Се разбира, за да го видите, мора да се качите по скалите до врвот, но вреди да се вложи напор. Погледот околу џамијата не е помалку импресивен.Во непосредна близина на џамијата се наоѓа и покриениот пазар познат како „малата Капала Чаршија“ каде ќе имате слободно време за шопинг. Од подножјето на џамијата Селимије започнува лавиринт од мали улици кои водат кон главната улица во Едрене, Сарацлар Јадеси. Тука ќе најдете многу шарени и живописни продавници за секаков вид стока, како и многу слаткарници и кафулиња. Ако сакате да јадете некои традиционални турски колачи, одете во слаткарницата Мадо на врвот на главната улица. Тука има бесконечна разновидност на пецива – ве советувам да пробате кунефе, што е еден вид сирупски десерт од кадаиф и урда. Бадемовата паста е исто така нешто по што е познат градот Едрене. Направен е од горчлив бадем и има многу специфичен вкус. Друго специфично јадење од Едрене што треба да го пробате е Порција со црн дроб – ова е пржен црн дроб, исечен на тенки парчиња и се служи со немилосрдна лута пиперка 🙂 Сместување во хотелот. Слободно време за истражување на градот( Предлог: посета на на најновиот трговски центар во градот ERASTA Shopping Centre) Ноќевање.

Појадок. Одјавување од хотелот. Се уптуваме кон православната бугарската црква „Св. Свети Константин и Елена “, која со својата прекрасна градина е омилено место на туристите кои го посетуваат Едрене. Храмот е изграден во 1869 година и се наоѓа во близина на местото каде реката Тунџа се влева во реката Марица. Посета на Македонската кула, позната и како Саат-кула, која е дел од старите тврдини на ѕидините на Адријанопол. Меѓутоа, во 1884 година на неа била изградена дрвена саат-кула, која изгорела и била обновена од камења и цигли во 1894 година.Посета на Margi Outlet во кој има продавници со многу квалитетна облека по многу ниски цени…. и Синиот пазар кој се наоѓа во непосредна близина на аутлетот..Потоа се упатуваме кон складовите за детергенти, козметика, маслинки, баклава, сирење по најниски цени во Турција. Тргнување од Едрене околу 16 часот. Пристигнување во Македонија во доцните вечерни часови

Во 10:00 часот се одјавуваме од хотелот. Попатна пауза во Софија (Бугарија). Пристигнуваме во Кочани во доцните вечерни часови.